Milliləşdirilmiş ağır atletlərimiz – Valentin Xristov və Boyanka Kostovanın Olimpiya Oyunlarında iştirakına rəsmi icazə verilib. Apasport.az saytının məlumatına görə, Parisdəki dünya çempionatı öncəsi Azərbaycana 400 min avroya transfer olunan bolqarıstanlı legionerlər iyulun 27-də Londonda start götürəcək Olimpiadada milli komandamızın şərəfini qorumaq imkanına malik olacaqlar.

Belə ki, Beynəlxalq Olimpiya Komitəsi Xristovla Kostovanın Azərbaycan adından yarışması barədə rəsmi qərar çıxarıb.

Qeyd edək ki, Bolqarıstan Ağır Atletika Federasiyasının prezidenti Nedelço Kolev bu idmançıların Avropa və dünya çempionatlarında Azərbaycanın şərəfini qoruyacağını bildirirdi. Lakin sonradan beynəlxalq qurumlarla aparılan danışıqlar ağır atletlərin bütün hüquqlarının ölkəmizə verilməsi ilə nəticələnib.

• Prezident İlham Əliyev və birinci xanım Mehriban Əliyeva Bişkekdə keçirilən 6-cı Dünya Köçəri Oyunlarının açılış mərasimində iştirak ediblər - CANLI - YENİLƏNİB
• Azərbaycan heyəti Dünya Köçəri Oyunlarında keçid edib - VİDEO
• Sona Ağayeva boccia üzrə dünya çempionatında bürünc medal qazanıb
• Timur Nikiforov Azərbaycan millisinə dəvət alıb
• Formula 1-lə bağlı viza proseduru sadələşdirilir - SƏRƏNCAM