İsveçin paytaxtı Stokholmda “Brilyant Liqa”nın VI mərhələsi keçirilib. Apasport.az saytının məlumatına görə, Türkiyəni təmsil edən azərbaycanlı atlet Ramil Quliyev yarışda finiş xəttinə yenə birinci çatıb.

O, dünya çempionu olduğu 200 m məsafəni bu dəfə 19,92 saniyəyə qət edib. İkinci pilləni Aaron Braun (Kanada, 20,07), üçüncü yeri Lukselo Adams (CAR) tutub.

Növbəti birincilik Quliyevin aktivindəki xalını 24-ə çatdırıb. Atlet bu səbəbdən də 2-ci pilləyə qalıb. O, ilk sırada yer alan Braundan 1 xal geri qalır.

Qeyd edək ki, Quliyev eyni məsafəyə “Brilyant Liqa”nın bu il Dohada keçirilən mərhələsini 3-cü, Şanxaydakı yarışı 6-cı, Oslodakı mübarizəni birinci yerdə bitirib.

• “Azərbaycan Qolf Federasiyası” İctimai Birliyinin yığıncağı keçirilib
• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır