"Qarabağ" Misli Premyer Liqasının V turu çərçivəsində səfərdə "Araz-Naxçıvan"ı 5:0 hesabı ilə məğlub edib.
Apasport.az xəbər verir ki, ev sahiblərinin baş məşqçisi Elmar Baxşıyev oyundan sonra keçirilən mətbuat konfransında jurnalistlərin suallarını cavablandırıb:
"Ağır məğlubiyyət oldu. Komanda olaraq, qırmızı vərəqəyə qədər futbolçular başabaş oynamağa çalışırdılar. Qol epizodlarına da girdik. Amma qırmızı vərəqədən sonra "Qarabağ"a qarşı oynamaq çətindir. Danışılası çox şey yoxdur. Bu ağır məğlubiyyəti unudub, qarşıdakı matçlara hazırlaşmaq lazımdır".
- Qırmızı vərəqəyə görə, daha çox baş hakimi qınayırsız?
- Qınanılacaq epizod da yoxdur. Əliyar Ağayevin qərarı ağır idi. Penalti verirsən, rəqibi azlıqda saxlayırsan...Ağır qərar oldu. Qırmızı vərəqə vermədən də, penalti verib, oyunu davam edə bilərdi. Penalti var idi.
- "Omoniya" ilə iki oyun, Kristian Avramın Moldova millisindəki matçı və bu gün keçirilmiş görüşü də nəzərə alsaq, 4 oyunda 25 qol buraxıb. "Araz-Naxçıvan"ın azad agent statusu olan qapıçı axtarışına çıxmaq fikri var?
- Siz statistikaya baxırsız. Fərdi səhvləri çox edirik. Onun da nəticəsində qapımızda qollar görürük. Oyuna yaxşı başlasaq da, qırmızı vərəqədən sonra oyun ritmindən düşdük. Rəqibin usta futbolçuları məharətlə yararlandılar.
- Ramon Maçadonun durumu necədir?
- Ramon bizim üçün önəmli futbolçudur. Amma uzana-uzana gedir. Ümid edirik ki, tez bir zamanda qayıdar. Məşqlərə başlayıb. Amma fərdi məşqlər edir. Yəqin tam hazır olmalıdır ki, kollektivə qoşulsun. Dizin arxasında olan əzələsində problem var. Təlim-məşq toplanışında zədələnmişdi.
Oxşar xəbərlər
Ana səhifə
Bütün xəbərlər