“Karvan”ın futbolçusu Qavi Tompson Apasport.az saytına müsahibə verib.
- "Karvan-Yevlax" son turda "Kəpəz"lə matçda qələbə qazandı. Həmin oyundakı qalibiyyəti necə şərh edərdin? İlk turda "Qəbələ" ilə heç-heçə oynadınız, ikinci turda qalib gəldiniz. Bu cür performansı özünüzdən gözləyirdiz?
- Bəli, bizim üçün yaxşı oyun oldu. “Kəpəz” də yeni kompleksli klubdur. Amma biz onlardan daha çox bu oyunda qalib gəlmək istəyirdik. “Qəbələ” də 1-ci diviziona qayıtdıqdan sonra ilk ilində yaxşı komanda olduğunu göstərdi. Növbəti oyunlar üçün mübarizə aparmalı və yaxşı nəticələr əldə etməliyik.
- Növbəti turda rəqibiniz “Qarabağ”dır. Bu komanda Azərbaycanda hegemonluq edir. Onlara qarşı matç sizin üçün təhlükəlidirmi?
– Təhlükəli deyil, maraqlı oyundur (gülür). Sadəcə çox məşq edib, həm yaxşı futbol, həm də nəticə üçün oynamalıyıq. Eyni zamanda, “Qarabağ”ı Çempionlar Liqasının əsas mərhələsinə vəsiqə qazanması münasibətilə təbrik edirəm. Bu oyunları Azərbaycanda izləmək çox maraqlı olacaq.
- Ümumiyyətlə, səncə, "Karvan" hansı nəticəni göstərə bilər? Komanda avrokuboklar uğrunda mübarizəyə qoşula bilər?
- İndi nəsə demək çox çətindir. Çünki cəmi 2 oyun oynanılıb. Qışdan sonra bunu müzakirə edə bilərik. Əsas məqsədimiz yaxşı futbol oynamaq və yaxşı nəticə göstərməkdir.
- Hazırda Yevlaxda yaşayırsınız?
- Bəli mən Yevlaxda yerləşən kampusdayam.
- "Karvan" ev oyunlarını Yevlaxda keçirir. Sadəcə stadionun ot örtüyü hazır deyildi deyə, Şamaxıda oynayırdınız. Yevlaxda oynayacağınız ev matçlarını səbirsizliklə gözləyirsiz?
- Əmin olun ki, 12-ci oyunçu stadionumuzda bizimlə olacaq. Bu da komandamız üçün böyük dəstək deməkdir. Evdə, azarkeşlərimizin qarşısında keçirəcəyimiz oyunu səbirsizliklə gözləyirik.
- Əvvəllər Azərbaycanda oynamış futbolçular arasında dostunuz, tanışınız var?
- Bəli, var. “Turan Tovuz”da çıxış edən Aleks Souza ilə Litvanın “Hegelman” klubunda birlikdə oynamışıq. “Karvan”dakı komanda yoldaşım Kayl Spenslə də Litva klubunda oynamışıq.
- Azərbaycan Premyer Liqasında iki oyun keçirmisən. Çempionatın səviyyəsi haqda fikrin necədir?
- Azərbaycan Premyer Liqasının səviyyəsi yaxşıdır. Əslində, mənim lap əvvəllər də Azərbaycana gəlmək, burada legioner həyatı yaşamaq üçün imkanlarım olub. Amma biz bunu elə bu mövsüm etdik. Komandalar tam hazır olduqdan sonra zamanla liqa daha da maraqlı hal alacaq.
Oxşar xəbərlər
Ana səhifə
Bütün xəbərlər