“Buraxdığımız qollar öz səhvlərimizin nəticəsi idi”.

Apasport.az xəbər verir ki, bunu “Sumqayıt”la yoxlama oyununda 2:2 hesablı heç-heçəyə razılaşan “Qəbələ”nin baş məşqçisi Kaxaber Tsxadadze deyib.

Gürcüstanlı mütəxəssis gənc futbolçulara təcrübənin lazım olduğunu bildirib: “Oyunun sonuna yaxın ikinci mərkəz hücumçusuna şans verdik. Bu cür planlar hər zaman fikrimizdə olur. “Sumqayıt”la oyunda da bunu yoxladıq və nəticə etibarilə daha çox hücum şansımız yarandı. Hazırlıq prosesindən və futbolçularımızdan çox razıyam. Yeni transferlərimiz də oldu. Düzdür, hələ komandaya uyğunlaşa bilməyiblər. Buna isə müəyyən zaman lazımdır. Hazırda yeganə narahat olduğumuz məqam budur”.

• Braziliyalı yarımmüdafiəçi “Kəpəz”də - RƏSMİ
• “Qəbələ” - “Sumqayıt” oyununda 4 qol
• “Araz-Naxçıvan”ın heyətində itki
• “Mingəçevir” “Karvan”ı məğlub etdi
• AFFA-da klub nümayəndələri ilə görüş keçirilib