"Neftçi" qapı xəttini Bosniya və Herseqovina millisinin hazırkı üzvü, "Antalyaspor"un sabiq qapıçısı Kenan Piriçlə gücləndirmək istəyib.

Hətta “ağ-qaralar” 30 yaşlı qolkiperə rəsmi təklif də göndərib.

Apasport.az saytına daxil olan məlumata görə, Piriçin “Neftçi”yə transferinə maneə yaradan əsas məsələ maliyyədir.

Belə ki, bosniyalı qapıçı "Neftçi"dən yüksək məbləğdə maaş tələb edib. Paytaxt klubunun rəsmiləri isə futbolçu ilə razılıq əldə etmək üçün onun bu məsələdə güzəştə getməsini istəyir.

Əgər Piriç yüksək maaş tələbində israrlı olarsa, "Neftçi" məcburən başqa qolkiper axtarışına çıxacaq.

Qeyd edək ki, 30 yaşlı qapıçı karyerası ərzində “Gent”, “Zrinski Mostar”, “Maribor”, “Atromitos”, “Göztepe” və AEK (Larnaka) klublarında da çıxış edib.

• UEFA-nın "Hat-Trick" proqramı çərçivəsində keçirilən futzal yarışı başa çatıb
• “İlk Azərbaycan Kubokunun qalibi olaraq adımızı tarixə yazdırdıq”
• XXXI turun təyinatları bəlli oldu
• Azərbaycan futbolunda həlledici qərar: Premyer Liqa pley-offunda limit olmayacaq
• "CBC Sport" yarımfinal matçını niyə yayımlamayıb? - RƏSMİ BƏYANAT