“Qarabağ” - “Sabah” matçının biletləri satışa çıxarılır
30.03.2026 - 15:13
Bizon Azərbaycan Kubokunun yarımfinal mərhələsi çərçivəsində keçiriləcək "Sabah" ilə oyunun biletləri sabah saat 15:00-dan etibarən satışda olacaq.
Apasport.az xəbər verir ki, bu barədə Ağdam təmsilçisinin mətbuat xidməti məlumat yayıb.
Biletlərin qiyməti sektorlara uyğun olaraq dəyişir. Biletlərin qiyməti isə 5, 10 və 20 manat aralığındadır.
Biletlər sabah saat 15:00-dan etibarən iTicket.az-da onlayn, oyun günü isə həm iTicket.az-da onlayn, həm də Tofiq Bəhramov adına Respublika stadionunun kassalarında da satışda olacaq.
Qeyd edək ki, "Qarabağ" - "Sabah" matçı aprelin 3-ü saat 20:00-da Tofiq Bəhramov adına Respublika Stadionunda keçiriləcək.
Oxşar xəbərlər
Ana səhifə
Bütün xəbərlər