Misli Premyer Liqasının VI turunun "Şamaxı" ilə matçından (0:1) sonra "Sumqayıt"ın baş məşqçisi Samir Abasovun mətbuat konfransı keçirilib.

"Rəqibi təbrik edirəm. Ayxan Abbasov mübariz komanda qurub. Tez qol buraxdıq. Hesabı bərabərləşdirmək üçün fürsətimiz oldu. Amma yararlana bilmədik. Oyunun sonunda rəqib qapandıqca bizim qol vurmağımız çətinləşdirdi. Gələcək oyunlara hazırlaşacağıq. Belə period hər komadanın başına gəlir. Çempionatın əvvəlidir. Futbolçular tam hazır deyil. Amma bu, bəhanə deyil".

- Ardıcıl 3 oyundur məğlub olursuz. Bu durumdan çıxmaq üçün ümidiniz var?
- Əlbəttə var. Uşaqlar tam formaya düşəndə nəticələr də olacaq. Bu gün fiziki baxımdan balanslı komanda deyilik. Belə əziyyətlər çəkəcəyimizi bilirdik. Hələ çempionatın əvvəlidir. Keçən il də belə problemlər yaşamışdıq. Pis gündə səbrli olmalıyıq. Dava-dalaşla nəsə qazana bilmərik.

- Rəqibin hündür boylu mərkəz müdafiəçiləri olduğu halda futbolçularınız göylə ötürmələrə üstünlük verirdi. Bu, nə ilə bağlı idi?
- Cərimə meydançasında təhlükəli ol bilmirdik. Buna görə də rəqib oyunçuların səhv edəcəyinə ümid edirdik.

• Elçin Məsiyev Avropa çempionatının matçına təyinat alıb
• “Qarabağ” Bolqarıstanda keçirilən beynəlxalq turnirin qalibi olub
• Gəncənin MDB-nin idman paytaxtı seçilməsi münasibətilə tədbir keçirilib
• "Bizim üçün "Qarabağ"ın qələbə qazanması daha sərfəli idi, lakin hər cür gedişata hazır idik" - MÜSAHİBƏ
• Vasili Berezutski: “Azarkeşlərə göstərdikləri dəstəyə görə təşəkkür edirəm”