Saşa İliç: “İşlər istədiyimiz kimi getmədi"

29.08.2025 - 21:17

Misli Premyer Liqasının III turu çərçivəsində “Şamaxı” səfərdə "Sumqayıt"la 1:1 hesablı heç-heçə edib.

Apasport.az xəbər verir ki, ev sahiblərinin baş məşqçisi Saşa İliç oyundan sonra keçirilən mətbuat konfransında jurnalistlərin suallarını cavablandırıb.

"Çətin oyun oldu. Hər iki komanda qələbə qazana bilərdi. İlk hissədə yaxşı oynasaq da, ikinci hissədə işlər istədiyimiz kimi getmədi".

– İki oyunda qol buraxmayan komanda bu gün müdafiədə zəif təsir bağışladı. Müdafiənin belə olmasının səbəbi nə idi?
– Adi vəziyyətdən qol buraxdıq. Rəqibin uzun ötürmələrindən sonra oyunda qırılmalar oldu.

– Qarşıdan fasilə gəlir. 2 qələbə, 1 heç-heçə etmisiz. Bu vəziyyətdə çempionatın davam etməsi daha yaxşı olardı?
– Fasilənin yaranması xeyrimizədir. “Qarabağ”la oyunda çox güc sərf etmişdik. Qələbə seriyamız davam etməsə də, bu fasilə yaxşı oldu.

– Transfer məsələsi nə yerdədir?
– Rəhbərlikdən soruşun.

– 3 turda 7 xal qazanmaq qənaətbəxşdir, ya artığını gözləyirdiniz?
– “Qarabağ”ın da bu komandaların arasında olmasına baxsaq, 3 oyuna 7 xal yaxşıdır. Çempionatın hələ başlanğıcıdır. Uyğunlaşma məsələləri var. Oyundan-oyuna daha yaxşı olmağa çalışırıq.

– Ramalinqomun əvəzlənməsi nə ilə bağlıdır? Ninkoviçdən istədiyinizi ala bildiniz?
– Ramalinqom kifayət qədər enerji sərf etmişdi. Ona görə yorğunluğu hiss olundu. Ninkoviçin top saxlama qabiliyyəti yaxşı olduğu üçün meydana buraxdım. Ancaq kifayət qədər yaxşı oynamadı.

– Çempionatla bağlı mövsümün əvvəli ilə düşündüklərinizlə indiki arasında hansı fərqlər var? Nələr sürpriz oldu?
– Ətraflı danışmaq üçün vaxt lazımdır. “Qarabağ” Azərbaycanın ən güclü komandasıdır. Çempionatın çətin olacağını düşünürəm.

– Çempionlar Liqasında olan “Qarabağ”ı məğlub edən baş məşqçi kimi sizə vətəninizdən təbriklər gəldi?
– Xeyr, belə təbrik olmayıb.