“Kəpəz” Azərbaycan çempionatlarının yüksək dəstəsində 100-cü səfər qələbəsini qazanıb. Bu, Misli Premyer Liqasının XVII turuna təsadüf edib.

Apasport.az xəbər verir ki, Gəncə təmsilçisi “Qarabağ”la qarşılaşmada 2:0 hesabı ilə qalib gəlib. “Kəpəz” 100-cü səfər qələbəsini rəqib meydanlarındakı 346-cı qarşılaşmada əldə edib.

“Kəpəz” bu göstəricidə 4-cü nəticəyə malikdir. Yalnız “Qarabağ” (239), “Neftçi” (232) və “Şamaxı” (123) səfərdə daha çox qələbə qazanıb.

Qeyd edək ki, “Kəpəz” rəqib meydanındakı ilk qələbəsini 1992-ci il iyunun 13-də “Plastik”lə matçda əldə edib – 3:0.

• Tarixin ən uzun seriyası qırıldı
• Günün oyunları bu kanallarda
• Millimizin üzvü: "Yığmada ilk qolumu vurduğuma görə xoşbəxtəm"
• Nigar Mirzəliyeva: "Ölkəmizi tanıtmaq üçün çox çalışacağam"
• "Aston Villa"nın yetirməsi "Turan Tovuz"da - Rəsmi