Bakı-2015 I Avropa Oyunlarında Azərbaycanın aktivinə daha bir qızıl medalı sərbəst güləşçi Toğrul Əsgərov yazdırıb. Apasport.az saytının məlumatına görə, 65 kq çəki dərəcəsində yarışan olimpiya çempionu rəqib tanımayıb.

Finalda italiyalı idmançı Frank Kamizo Marqueslə qarşılaşan Əsgərov xalçanı qalib kimi tərk edib. Bu görüşü Azərbaycan prezidenti İlham Əliyev və I Avropa Oyunlarının Təşkilat Komitəsinin sədri Mehriban Əliyeva canlı izləyib.

Əsgərovu ölkə başçısı mükafatlandırıb. Fəxri kürsünün ən yüksək pilləsinə qalxan Toğrula qızıl medalı İlham Əliyev təqdim edib.

Daha sonra isə himn sədaları altında dövlət bayrağımız dalğalanıb.

Qeyd edək ki, bununla, Azərbaycan millisinin Bakı-2015-də qazandığı qızıl medalların sayı 9-a çatıb.

• Süleyman İsmayılzadə və Məryəm Cavadova Dakar-2026-da Azərbaycanın bayraqdarları olacaq
• Zəfər Gününə həsr olunan kamandan oxatma turniri keçirilib
• Azərbaycan nümayəndələri Rusiyada beynəlxalq idman forumunda iştirak edirlər
• Azərbaycan Türk Dövlətləri Təşkilatının Bişkekdəki idman toplantısında təmsil olunub
• İdman dırmanması üzrə Azərbaycan çempionatı keçiriləcək