Bakı-2015 I Avropa Oyunlarında Azərbaycana 31-ci medalı Oleq Stepko qazandırıb. Apasport.az saytının məlumatına görə, komanda yarışlarında bürünc, fərdi çoxnövçülükdə isə gümüş medal qazanan təmsilçimiz 3-cü mükafatını əldə edib.

Bu gün 4 müxtəlif hərəkətdə - gimnastika atı, həlqələr, dayaqla tullanma və paralel qollarda qüvvəsini sınayan Stepko gimnastika atında hərəkətlərdə 14,600 xalla 2-ci olub.

Stepkonun uğurlu çıxışını Azərbaycan Prezidenti İlham Əliyev və I Avropa Oyunlarının Təşkilat Komitəsinin sədri Mehriban Əliyeva da tribunadan izləyib.

Fəxri kürsüyə qalxan Stepkoya gümüş medalı ölkənin birinci xanımı, Gimnastika Federasiyasının prezidenti Mehriban Əliyeva təqdim edib.

Qeyd edək ki, gimnastımız digər 3 hərəkətdə çıxışını davam etdirir.

• Süleyman İsmayılzadə və Məryəm Cavadova Dakar-2026-da Azərbaycanın bayraqdarları olacaq
• Zəfər Gününə həsr olunan kamandan oxatma turniri keçirilib
• Azərbaycan nümayəndələri Rusiyada beynəlxalq idman forumunda iştirak edirlər
• Azərbaycan Türk Dövlətləri Təşkilatının Bişkekdəki idman toplantısında təmsil olunub
• İdman dırmanması üzrə Azərbaycan çempionatı keçiriləcək