Amputant futbolu üzrə Millətlər Liqasının bəzi oyunları Bakıda keçiriləcək

08.10.2025 - 13:55

Amputant futbolu üzrə Millətlər Liqasının oyunları davam edir.

Apasport.az xəbər verir ki, turnirin “C” qrupunun oyunları Bakıda keçiriləcək.

Açılış mərasimi oktyabrın 17-si saat 11:30-da ASCO Arenada (Bayıl stadionu) baş tutacaq. Oyunlar 17–19 oktyabr tarixlərində keçiriləcək.

Qeyd edək ki, turnirin Azərbaycanda təşkili ölkəmizdə mövcud mina probleminin beynəlxalq ictimaiyyətə çatdırılması və minadan zərərçəkən şəxslərin idman vasitəsilə bir araya gəlməsi baxımından böyük əhəmiyyət daşıyır.