UEFA Konfrans Liqasının III təsnifat mərhələsinin "Sabah" - "Levski" matçından öncə qonaqların baş məşqçisi Xulio Velaskesin mətbuat konfransı keçirilib.

Apasport.az xəbər verir ki, o, matçla bağlı fikirlərini bölüşüb:

"İlk matçda son dəqiqə qolu ilə qələbə qazandıq, amma bu bizə cavab oyunu üçün rahatlıq verməməlidir. Uğurlu seriyamızı davam etdirmək istəyirik. Rəqibin müxtəlif mövqelərdə çox yaxşı futbolçuları var. Çətin oyun olacaq, amma məqsədimiz davam etməkdir. Son oyunlarımızı kənara qoymalıyıq. “Sabah”la ilk matçda olduğu kimi bizim əsas hədəfimiz müdafiə olunmaq deyil. Prioritet topu ortada saxlayaraq hücuma aparmaqdır. Müdafiə olunmaq fikrində deyilik. Məncə, ilk oyundan daha dinamik oyun görəcəyik. Bizim artıq I və II təsnifat mərhələrində müvafiq olaraq “Hapoel Beer-Şeva” və “Braqa” ilə oyunlarda belə təcrübəmiz var. Amma istəyirik ki, işimizi əsas vaxtda həll edək”.

• Fəridə Lüftəliyeva UEFA tərəfindən təyinat alıb
• Azərbaycan və Özbəkistanda təşkil olunacaq FIFA U-20 dünya çempionatının tarixi müəyyənləşib
• FIFA: “Azərbaycan dünya çempionatına hazırdır” - VİDEO
• Çempionlar Liqası: Münhendə qalib müəyyənləşmədi - YENİLƏNİB
• FIFA U-15 Dünya Çempionatı və Festivalında iştirak edəcək Azərbaycan millisinin açıq məşqi təşkil olunacaq