Şimali Makedoniyanın paytaxtı Skopyedə keçirilən kadetlər arasında cüdo üzrə Avropa çempionatında Azərbaycan millisi ümumi sıralamada liderliyi ələ alıb.

Apasport.az xəbər verir ki, yarışın ilk günündə idmançılarımız üç qızıl, bir gümüş və iki bürünc medal qazanıblar.

Anar Quliyev (50 kq), Rəsul Əlizadə (55 kq) və Zeyd Ələsgərov (60 kq) çempion olublar, Nərmin Ağamirzəzadə (48 kq) gümüş, Gülşən Hüseynova (44 kq) və Leyla Ələkbərova (48 kq) isə bürünc mükafata sahib çıxıblar.

Türkiyə (1-2-0) ümumi hesabda ikincidir, ilk üçlüyü isə Beynəlxalq Cüdo Federasiyasının bayrağı altında çıxış edən idmançılar tamamlayırlar (1-0-3).

• Azərbaycan Monqolustandakı "Böyük Dəbilqə"də 17 cüdoçu ilə təmsil olunacaq
• Təmsilçilərimiz Krasnoyarskda keçirilən turnirdə 3 medal qazanıblar
• ACF-nin mütəxəssisləri Yaponiyada ixtisasartırma proqramına qatılıb
• Sumqayıtda 125 yeniyetmə cüdoçu tatamiyə çıxıb
• Sumqayıtda cüdo üzrə region birincilikləri keçiriləcək