Qusarda peşəkar inkişaf proqramı çərçivəsində Azərbaycan Cüdo Federasiyasının rəqəmsal marketinq üzrə aparıcı mütəxəssisi Elvin Əhmədin təqdimatında “Sosial media və marketinq” mövzusunda təlim keçirilib.

Apasport.az xəbər verir ki, sessiya zamanı məşqçilər və klubların sosial şəbəkələrdə özlərini necə təqdim etməli olduqları müzakirə edilib.

Müsbət və mənfi nümunələr təhlil olunub, sosial medianın düzgün istifadəsi ilə yeni idmançıların cəlb edilməsi, ictimai etimadın formalaşdırılması, valideynlərlə effektiv ünsiyyətin qurulması və klubun brend kimi inkişaf etdirilməsi yolları izah olunub.

Qeyd edək ki, peşəkar inkişaf proqramına şimal və cənub bölgələrindən ümumilikdə 35 məşqçi qatılıb.

• Tbilisi Böyük Dəbilqəsinə 11 cüdoçumuz yollanacaq
• Azərbaycan cüdo üzrə Avropa Kubokuna ev sahibliyi edəcək - DÖRDÜNCÜ DƏFƏ
• Cüdoçularımız Avropa Açıq Turnirini 3 medalla başa vurub - FOTO
• "İstedadların seçimi" yarışının II turu başa çatıb
• Xüsusi Olimpiya Komitəsi və Azərbaycan Cüdo Federasiyası arasında əməkdaşlıq memorandumu imzalanıb