“Rəqibin kimliyindən asılı olmayaraq oyunlara ciddi hazırlaşır, məsuliyyətlə yanaşırıq. Çünki bura gələndə qarşımıza konkret tapşırıq qoyulub".
Apasport.az xəbər verir ki, bunu Azərbaycan Futzal Federasiyasının mətbuat xidmətinə açıqlamasında "Araz-Naxçıvan"ın futzalçısı Ədalət Ələkbərov deyib.
O, komandasının növbəti mərhələyə yüksəlməli olduğunu vurğulayıb: “Araz-Naxçıvan” növbəti mərhələyə yüksəlməlidir. Bunun üçün də yaxşı hazırlıq keçmişik. Artıq iki oyunda maksimum xal toplamışıq. Hər iki görüş məhsuldar olub”.
Gənc futzalçı debüt etdiyi Çempionlar Liqasının ab-havasından da danışıb:“Komandanın ən gənc üzvlərindən biriyəm. Baş məşqçimiz daim nəzarətdə saxlayır. Hər iki oyunda şans verib. Bu cür yarışlarda qazanılan təcrübə əvəzsizdir. Çalışıram bu şansdan həm komandamın xeyrinə, həm də öz inkişafım üçün istifadə edim. Komandanın dəstəyini hiss edirəm, bu da gənc futzalçı üçün əvəzolunmaz stimuldur”.
Futzalçı son oyuna da ciddi hazırlaşdıqlarını və qələbə qazanmaq üçün mübarizə aparacaqlarını vurğulayıb: “Hazırda turnir cədvəlində liderik. Sabahkı oyundakı rəqibimiz də bizimlə eyni sayda xal toplayıb. Düzdür, bizi heç-heçə də qane edəcək. Ancaq qələbə qazanıb, qarşıya qoyulan məqsədə çatmaq üçün əlimizdən gələni edəcəyik. Meydan amili, azarkeş dəstəyi onların tərəfində olacaq. Ancaq Bakıda həm fiziki, həm də taktiki-texniki planda yaxşı məşqlər keçirdik. Onun bəhrəsini arxada qalan 2 oyunda gördük”.
Oxşar xəbərlər
Ana səhifə
Bütün xəbərlər