Azərbaycan badmintonçuları Uqandanın paytaxtı Kampala şəhərində keçirilən “International” seriyalı beynəlxalq turnirdə bürünc medal qazanıblar.

Apasport.az xəbər verir ki, “Uganda International Series 2024” turnirində yarımfinala kimi irəliləyən Era Maftuha yarışı üçüncü sırada başa vurub. Era Uqanda, BƏƏ, Maldivi təmsil edən rəqiblərini məğlub edərək qadınların şəxsi yarışında bürünc medal qazanıb. Badmintonçumuz finalın bir addımlığında turnirin qalibi olan Malayziya təmsilçisi Loh Zhi Veiyə 3 setin tamamında məğlub olub.

Kişi badmintonçuların qoşa yarışında Aqil Qəbilov və Diki Pangestu Malta, Şotlandiya və İtaliyanı təmsil edən badmintonçuları mübarizədən kənarlaşdırmağı bacarıb. Yarımfinala yüksəlməklə bürünc medalı təmin edən Aqil və Diki 1/2 finalda hindistanlı rəqiblərinə hər iki setdə uduzub.

• Azərbaycan badmintonçuları beynəlxalq turnirdə 17 medal qazandı
• Bakıda beynəlxalq badminton turnirinə start verilib
• Azərbaycanlı qolfçu Qazaxıstanda çempion olub
• Bakı beynəlxalq badminton turnirinə ev sahibliyi edəcək - İLK DƏFƏ
• Yeniyetmələr arasında beynəlxalq qolf turniri keçirilib - Azərbaycanda ilk dəfə