Azərbaycan parabadmintonçuları Avropa çempionatını 2 gümüş medalla başa vurublar.

Apasport.az xəbər verir ki, 14 yaşlı Zəhra Salmanlı kişi və qadın idmançıların birgə mübarizə apardığı qoşa yarışda (SH-6 kateqoriyası) ingiltərəli komanda yoldaşı Kristen Kumbs ilə bu gün final görüşünə çıxıb.

Onlar ingiltərəli rəqiblərinə 0:2 hesabı ilə məğlub olaraq Avropa çempionatının gümüş medalını qazanıblar.

20 yaşlı parabadmintonçu İbrahim Əliyev də kişi idmançıların birgə mübarizə apardığı qoşa yarışda (SU-5 kateqoriyası) polşalı komanda yoldaşı Bartlomiey Mroz ilə bu gün final görüşünə çıxıb. Onlar fransalı rəqiblərinə 0:2 hesabı ilə məğlub olaraq Avropa çempionatının gümüş medalını qazanıblar.

Qeyd edək ki, milli komandamız 8 parabadmintonçu ilə ilk dəfə qitə çempionatında təmsil olunub.

• Azərbaycan badmintonçuları beynəlxalq turnirdə 17 medal qazandı
• Bakıda beynəlxalq badminton turnirinə start verilib
• Azərbaycanlı qolfçu Qazaxıstanda çempion olub
• Bakı beynəlxalq badminton turnirinə ev sahibliyi edəcək - İLK DƏFƏ
• Yeniyetmələr arasında beynəlxalq qolf turniri keçirilib - Azərbaycanda ilk dəfə