Bu gün voleybol üzrə Azərbaycan çempionatında növbəti oyunlar keçirilib.

Apasport.az saytının məlumatına görə, kişilər arasında Yüksək Liqada iki qarşılaşma baş tutub.

Qsa fasilədən sonra bərpa olunan yarışda günün mərkəzi oyununda mükafatlar uğrunda mübarizə aparan MOİK-lə “Neftçi” görüşüb. Matç “ağ-qaralar”ın məğlubiyyəti ilə yekunlaşıb. MOİK ilk iki hissədə məğlub olsa da, geridönüş edərək, rəqibini üstələyib.

Digər matçda “Murov” autsayder “Sərhədçi” ilə üz-üzə gəlib. Fərid Cəlalovun yetirmələri rəqibini asanlıqla məğlub edib. 

Bu qələbə “Murov”u liderliyə yüksəldib. Aktivinə 1 xal əlavə edən “Neftçi” mövqeyini qoruyubsa, rəqiblərindən 1 oyun az keçirən “Xilasedici” 3-cü yerə enib. 

Azərbaycan çempionatı
Yüksək Liqa, kişilər
13 mart

15:00. MOİK – “Neftçi” - 3:2 (16:25, 21:25, 25:20, 25:22, 17:15)
Dərnəgül Voleybol Mərkəzi
17:00. “Murov” – “Sərhədçi” - 3:0 (25:13, 25:8, 25:15)
Dərnəgül Voleybol Mərkəzi

• Azərbaycan və Gürcüstan voleybol federasiyaları əməkdaşlığı genişləndirməyi müzakirə ediblər
• AVF rəsmisi CEV-dən təyinat alıb
• Millimiz Avropa çempionatının təsnifat mərhələsində iştirak edəcək
• Həsən Zeynalov: “Turan”ın Çempionlar Liqasında hədəfi bəllidir”
• “Turan”dan Çempionlar Liqasında tarixi qələbə - YENİLƏNİB