Voleybol üzrə Millətlər Liqasının 2020-ci ildəki oyunları ləğv edilib.

Apasport.az saytının məlumatına görə, bu barədə qərarı Beynəlxalq Voleybol Federasiyası (FİVB) verib.

Buna koronavirus pandemiyası səbəb olub. Öncədən turnirin matçları Tokio-2020 Yay Olimpiya Oyunlarının sonunadək, sonradan isə 2021-ci ilin axırına təxirə salındığı bildirilsə də, qurum ləğv qərarına üstünlük verib.

FİVB prezidenti Ari Qrasa bu addıma aydınlıq gətirərək bildirib ki, belə vəziyyətdə bu turnirin təşkili məsuliyyətsizlik olardı. O, 2021-ci ildə oyunların daha maraqlı olacağına ümid etdiyini dilə gətirib, idmançıları yeni turnirə hazırlaşmağa çağırıb.

Qeyd edək ki, kişi və qadınlar arasında 2018-ci ildən təşkil olunun Millətlər Liqasında Azərbaycan yığmaları mübarizə aparmır.
 

• Azərbaycan və Gürcüstan voleybol federasiyaları əməkdaşlığı genişləndirməyi müzakirə ediblər
• AVF rəsmisi CEV-dən təyinat alıb
• Millimiz Avropa çempionatının təsnifat mərhələsində iştirak edəcək
• Həsən Zeynalov: “Turan”ın Çempionlar Liqasında hədəfi bəllidir”
• “Turan”dan Çempionlar Liqasında tarixi qələbə - YENİLƏNİB