“Azəryol” voleybol klubu fəaliyyətini dayandırmaq təhlükəsi ilə üzləşib. Apasport.az saytının məlumatına görə, buna səbəb komanda rəhbərliyinin voleyboldan kənara çəkilməsidi.

Belə ki, ötən mövsümdən komandanın sahibi olan “Azəryolservis” ASC artıq “Azəryol”u maliyyələşdirməkdən imtina edib. Klubun oyunçuları və məşqçilər korpusu istisna olmaqla, artıq digər işçilər Bakı təmsilçisinin düşərgəsini tərk ediblər. Bir sözlə, artıq “Azəryol”un ofisi də bağlanıb.

Komandanın köhnə rəhbərliyi isə yeni işinin icrasına başlayıb. “Azəryolservis”in sədri Saleh Məmmədov ötən ilin dekabrında Azərbaycan Həndbol Federasiyasının prezidenti seçildiyindən sabiq “voleybolçular” bundan sonra bu idman növünün inkişafı üçün çalışacaqlar. Artıq onlar bir sıra layihələrin startına da başlayıblar.

“Azəryol”un çempionata yeni adla başlaması da gözləniləndi. Lakin hələlik komandaya yeni sponsor tapılmayıb.

Azərbaycan Voleybol Federasiyası isə sorğumuza cavab olaraq bildirib ki, işçilər yola salınsa belə, komanda mövsümü başa vuracaq.

Qeyd edək ki, ölkəmizdə hər il bir klubun dağılması ənənəvi hal alıb. 

• Azərbaycanın qadın voleybolçulardan ibarət millisinin Macarıstandakı təlim-məşq toplanışı başa çatıb
• “Gəncə”dən yeni transfer
• Azərbaycanın qadınlardan ibarət voleybol millisi Macarıstana təlim-məşq toplanışına yollanıb
• Şahin Bağırov Naxçıvanda yeniyetmə voleybolçularla görüşüb
• AVF rəsmisi CEV-in iclasında iştirak edib