“Komandamız fəhlələrdən ibarətdi. Finala çıxmışıqsa, özümüzü qalib gəlmiş kimi hiss edirik”. Apasport.az saytının məlumatına görə, bu sözləri “Bos Şelf” komandasının baş məşqçisi Təhmasib Bəşirov deyib.

Kişilər arasında voleybol üzrə I Liqanın final matçında “Taleh”lə üz-üzə gələn və 0:3 hesabı ilə məğlub olaraq yarışı ikinci yerdə tamamlayan komandanın çalışdırıcısı fikirlərini bölüşüb.

O, həlledici matça qədər çox çətinliklərlə üzləşdiklərini deyib: “Finala gəlişimiz çox ağır oldu. Güclü mübarizə apardıq. Çox gözəl hisslər keçiririk. İlk dəfədi final mərhələsində çıxış edirik. Oyundu, hər cür nəticə ilə qarşılaşa bilərik. Güclü olan qalib gəldi. Bizə bu şəraiti yaratdığı üçün Azərbaycan Voleybol Federasiyasın, Faiq Qarayevə minnətdarlığımızı bildiririk. Gələn mövsüm də komandamızı gücləndirib Yüksək Liqada çıxış etmək istəyirik”.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub