Bolqarıstan millisinin voleybolçusu Dobriana Rabadjiyeva karyerasını Çində davam etdirəcək. Apasport.az saytının məlumatına görə, Qızıl Avropa Liqasında Azərbaycan yığmasına qarşı oynayacaq hücumçu “Everqrande” ilə danışıqları müsbət yekunlaşdırıb.

27 yaşlı Rabadjiyeva çinlilərlə 1 illik anlaşıb. Bu, onun Asiyada ilk sınağı olacaq. Dobriana “Everqrande”yə “Qalatasaray”dan transfer edilib. O daha öncə MOİK (Bolqarıstan), “Konegliano” (İtaliya), “Rabitə” (Azərbaycan) və “Volero”da (İsveçrə) forma geyinib.

Qeyd edək ki, Rabadjiyeva Bakının “Rabitə” klubunun şərəfini 2011-2013-cü illərdə qoruyub. O, bu komanda ilə 2 dəfə Azərbaycan, 1 dəfə klublararası dünya çempionatının qalibi olub. Dobriana, həmçinin “Rabitə” ilə Çempionlar Liqasının və mundialın finalında da oynayıb. 

• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub
• “Azərreyl”dən inamlı qələbə