18 yaşadək voleybolçular arasında Avropa çempionatının II seçmə mərhələsi başa çatıb. Apasport.az saytının məlumatına görə, E qrupunda mübarizə aparan qızlardan ibarət Azərbaycan millisi Rumıniyada baş tutan oyunlarda biabırçı hesablarla uduzub.

Belə ki, Rusiya və Portuqaliya ilə görüşlərdə cəmi 50 xal toplayan Vüqar Əliyevin yetirmələri ev sahibləri ilə görüşdə antirekordlarını yeniləyiblər. Rumınlar da komandamıza set vermədən qalib gəliblər – 3:0 (25:4, 25:12, 25:13). Görüşün ilk seti isə ruslara 20 xallıq məğlubiyyəti belə unutdurub.

Ümumi qrup mərhələsində isə voleybolçularımız 79 xal toplayıb. Bu da öz növbəsində digər “rekord”du.

Beləliklə, 3 matçdan sonra qrupda sonuncu olan yığmamız yarışla vidalaşıb. Rusiya və Rumıniya isə mərhələ adlayıb.

• Azərbaycanın qadın voleybolçulardan ibarət millisinin Macarıstandakı təlim-məşq toplanışı başa çatıb
• “Gəncə”dən yeni transfer
• Azərbaycanın qadınlardan ibarət voleybol millisi Macarıstana təlim-məşq toplanışına yollanıb
• Şahin Bağırov Naxçıvanda yeniyetmə voleybolçularla görüşüb
• AVF rəsmisi CEV-in iclasında iştirak edib