19 yaşadək qız voleybolçulardan ibarət Avropa çempionatının püşkü atılıb. Apasport.az saytının məlumatına görə, Lüksemburqda baş tutan tədbirdə ilk iki seçmə mərhələsinin qrupları bəlli olub.

Yarışda qüvvəsini sınayacaq Azərbaycan millisi mübarizəyə 2-ci seçmə mərhələdən başlayacaq. Püşkatmada sonuncu səbətdə qərarlaşan yığmamız F qrupunda düşüb. Komandamız burada Sloveniya, Fransa və Latviya ilə yarışacaq. Bu mərhələnin oyunları 2016-cı il martın 31-dən aprelin 3-dək keçiriləcək.

Bu mərhələdə 1-ci olan komandalar birbaşa final mərhələsinə yüksələcək. Qrup ikinciləri və ən yaxşı nəticəyə malik 3-cü yer sahibi isə 3-cü seçmə mərhələdə qüvvəsini sınayacaq.

• Azərbaycan birinciliyində pley-off mərhələsinə start veriləcək
• İlkin mərhələyə yekun vuruldu
• Voleybolçularımızdan AÇ təsnifatında uğursuz çıxış
• Azərbaycan birinciliyinə yekun vurulub
• “Gəncə” və MAA ilk raundu qalib başa vurdu