Rusiyanın “Proton” klubu Azərbaycana təlim-məşq toplanışına gəlir. Apasport.az saytının məlumatına görə, bu gün paytaxtımızda olacaq Superliqa təmsilçisi hazırlığı Bakı klubları ilə birgə keçəcək.

Ölkə çempionatında 3-cü yerdə olan Saratov klubu ölkəmizdə məşqlərə sabahdan start verəcək. Onlar yanvarın 10-dək Bakıda qalacaqlar.

“Proton” Bakıda təlim-məşq toplanışı çərçivəsində 4 yoxlama matçı da keçirəcək. Roman Kukuşkinin rəhbərlik etdiyi komanda yanvarın 7-də və 9-da “Telekom”la gücünü yoxlayacaq.

Heyətində Azərbaycan millisinin voleybolçusu Anastasiya Qurbanovanın da yer aldığı “Proton” yanvarın 8-də və 10-da isə “Lokomotiv”lə oynayacaq.

Qeyd edək ki, Rusiya klubu Saratova yanvarın 11-də qayıtmağı planlaşdırır.

• Azərbaycan birinciliyində pley-off mərhələsinə start veriləcək
• İlkin mərhələyə yekun vuruldu
• Voleybolçularımızdan AÇ təsnifatında uğursuz çıxış
• Azərbaycan birinciliyinə yekun vurulub
• “Gəncə” və MAA ilk raundu qalib başa vurdu