Yaponiyada qadın voleybolçular arasında keçirilən “Qara Qartal” kubokunun (Kurowashiki Cup) püşkü atılıb. Apasport.az saytının məlumatına görə, Azərbaycan millisinin hücumçusu Polina Rəhimovanın şərəfini qoruduğu “Toyota” D qrupunda yer alıb.

Təmsilçimizin komandası ölkə kubokunu qazanmaq üçün burada “Tokai University”, “Kinrankai Girls Senior High School” və NEC-lə mübarizə aparacaq. Oyunlar müvafiq olaraq, aprelin 30-da, mayın 1-də və 2-də olacaq.

Yarışda qrup qalibləri mərhələ adlayacaq. Mayın 5-də isə yarışa yekun vurulacaq.

Bu yarışın ardınca Polinanın Yaponiya klubu ilə müqaviləsi də başa çatacaq. Onun “Toyota”da qalması və ya yeni klubla müqavilə bağlaması isə meneceri ilə məsləhətləşmədən sonra reallaşacaq. 

• Azərbaycanın qadın voleybolçulardan ibarət millisinin Macarıstandakı təlim-məşq toplanışı başa çatıb
• “Gəncə”dən yeni transfer
• Azərbaycanın qadınlardan ibarət voleybol millisi Macarıstana təlim-məşq toplanışına yollanıb
• Şahin Bağırov Naxçıvanda yeniyetmə voleybolçularla görüşüb
• AVF rəsmisi CEV-in iclasında iştirak edib