Qadın voleybolçular arasında Yaponiya çempionatına yekun vurulub. Apasport.az saytının məlumatına görə, Asiya birinciliyində “Toyota”nın heyətində oynayan Azərbaycan millisinin hücumçusu Polina Rəhimova mükafatçıları alqışlamaqla kifayətlənib.

Belə ki, çempionatın startında iddialı danışan milliləşdirilmiş voleybolçumuzun klubu yekunda cəmi 2 komandanı qabaqlamaqla, 6-cı olub.  

Yarışın qalibi adını “Hisamitsu” qazanıb. Onlar finalda “Hitaçi”ni məğlub ediblər – 3:1 (21:25, 25:23, 25:19, 25:17). 3-cü yer “Toray”a qismət olub.

Çempionatın ən dəyərli oyunçusu adına isə “Hisamitsu”nun şərəfini qoruyan Miyu Naqaoka layiq görülüb.

Qeyd edək ki, Yaponiyada 58 xal qazanmaqla dünya rekordu vuran Polinanı burada ölkə kuboku da gözləyir.

• Azərbaycanın qadın voleybolçulardan ibarət millisinin Macarıstandakı təlim-məşq toplanışı başa çatıb
• “Gəncə”dən yeni transfer
• Azərbaycanın qadınlardan ibarət voleybol millisi Macarıstana təlim-məşq toplanışına yollanıb
• Şahin Bağırov Naxçıvanda yeniyetmə voleybolçularla görüşüb
• AVF rəsmisi CEV-in iclasında iştirak edib