Qadın voleybolçular arasında Yaponiya çempionatının II mərhələsində II turun oyunları keçirilib. Apasport.az saytının məlumatına görə, Azərbaycan millisinin hücumçusu Polina Rəhimovanın şərəfini qoruduğu “Toyota” “Hisamitsu”nun qonağı olub.

Qarşılaşma təmsilçimizin komandasının asan qələbəsi ilə başa çatıb. “Toyota” rəqibinə 1 set belə güzəştə getməyib – 3:0 (27:25; 25:22; 27:25).

Görüşün ən dəyərli oyunçusu seçilən Rəhimova 33 xal toplayıb. O, bunlardan 27-sini hücumda, 4-nü blokda və 2-sini eylə qazanıb.

Beləliklə, ikinci oyununu da qələbə ilə başa vuran “Toyota” 5 xalla turnir cədvəlində ikincidi.

Polinanın komandası növbəti turda lider “Hitaçi” ilə üz-üzə gələcək. Oyun fevralın 20-də olacaq. 

• Azərbaycan və Gürcüstan voleybol federasiyaları əməkdaşlığı genişləndirməyi müzakirə ediblər
• AVF rəsmisi CEV-dən təyinat alıb
• Millimiz Avropa çempionatının təsnifat mərhələsində iştirak edəcək
• Həsən Zeynalov: “Turan”ın Çempionlar Liqasında hədəfi bəllidir”
• “Turan”dan Çempionlar Liqasında tarixi qələbə - YENİLƏNİB