Qadın voleybolçular arasında Çempionlar Liqasında pley-off və yarımfinal mərhələlərinin püşkü atılıb. Apasport.az saytının məlumatına görə, Azərbaycan klublarının iştirak etmədiyi turnirdə yığmamızın hücumçusu Natalya Məmmədovanın çıxış etdiyi Kazan “Dinamo”sunun rəqibi bəlli olub.

Rusiya təmsilçisi 1/3 finalda İtaliyanın “Koneqlyano” klubu ilə qarşılaşacaq. Səfər matçını martın 20-22-də keçirəcək Natalya və komandası aprelin 3-5-də cavab oyununa çıxacaq.

Bu cütün qalibi Rumıniyada keçiriləcək “Dördlər finalı”nın yarımfinalında “Volero” (İsveçrə) – “Vakifbank” (Türkiyə) duelinin güclüsü ilə görüşəcək. Yarımfinal mayın 5-də baş tutacaq.

• Bu gün XIX tura start veriləcək
• Azərbaycan Voleybol Federasiyası hakimlərin hazırlığı üzrə seminarın sonuncu mərhələsini keçirib
• Azərbaycanlı mütəxəssis 1/4 final görüşündə
• Azərbaycan millisi İspaniyada AVRO-2026-nın təsnifat turnirində mübarizə aparacaq
• Yüksək Liqada pley-off mərhələsinin təqvimi bəlli olub