"Əlimdən gələni etməyə çalışdım".

Apasport.az xəbər verir ki, bu sözləri “Paris-2024” Yay Olimpiya Oyunlarında mübarizə aparan Azərbaycan badmintonçusu Keişa Fatimə Zəhra deyib.

İlk dəfə Olimpiya Oyunlarında iştirak etdiyini xatırladan idmançı görüş zamanı həyəcanlı olduğunu bildirib: “Rəqibim dünya altıncısıdır və Parisə medal qazanmaq üçün gəldiyini gizlətmirdi. Çalışacağam növbəti oyunda daha yaxşı çıxış edim”.

N qrupunda yer alan idmançımız ilk görüşündə çinli He Bin Çzyao ilə qarşılaşıb. Görüş rəqibin 2:0 hesablı qələbəsi ilə başa çatıb. Dünya reytinqinin ilk “onluğ”unda qərarlaşan Çin idmançısı ilk setdə 21:8, ikinci setdə isə 21:7 hesablı üstünlük qazanıb.

Keişa Fatimə Zəhra qrupda növbəti oyununu iyulun 29-da Böyük Britaniya badmintonçusu Kristi Gilmora qarşı keçirəcək.

• Kamran Quliyev: “Çalışırıq ki, ilklər yükünü, öz üzərimizə götürüb aparaq”
• Branimir Subaşiç: "Azərbaycan millisində perspektivli oyunçular çoxdur" - Müsahibə
• Coşqun Diniyevin komandasından qələbə
• “Neftçi” Gəncədən əliboş döndü, "Qəbələ" böyükhesabla uduzdu - YENİLƏNİB
• Pedri: “Messili Argentina mundialı qazansın”