"Bizə dəstəyini əsirgəməyən, daima yanımızda olan azarkeşlərimizi sevindirmək üçün Çempionlar Liqasının əsas mərhələsində əlimizdən gələni edəcəyik".

Apasport.az xəbər verir ki, bu sözləri jurnalistlərə açıqlamasında "Qarabağ"ın futbolçusu Kadi Borges deyib.

Yarımmüdafiəçi növbəti mərhələyə fokuslandıqlarını bildirib: "Biz hazırda liqa mərhələsinə fokuslanmışıq. Hazırlaşmaq üçün yaxşı vaxtımız olacaq".

Kadi həmçinin azarkeşlərin onlara çox kömək etdiyini vurğulayıb: "Azarkeşlər bu gün möhtəşəm idilər. Onların dəstəyi bizə əlavə güc, stimul verirdi".

Futbolçu köhnə komanda yoldaşları ilə münasibətləri haqda da danışıb: “Ferentsvaroş" futbolçuları ilə münasibətim yaxşıdır. Orada yaxşı insanlarla tanış oldum və yeni dostlar qazandım”.

• Azərbaycan millisi Dünya Kubokunda 4-cü olub
• Şahruddin: “İslandiyaya uduzandan sonra üzr istəmək belə utandırıcı idi”
• Çalhanoğlu qol vurdu, "İnter" yarımfinala yüksəldi - VİDEO
• “Kopenhagen”in baş məşqçisi: “Biz əvvəldən "Qarabağ"ın güclü olduğunu bilirdik”
• Portuqaliya millisinin üzvü İspaniya klubunu tərk edib