Azərbaycanlı UFC döyüşçüsü Tofiq Musayev Bakıda keçirilən "UFC Fight Night Baku" turniri və qarşıdakı döyüşünə hazırlıq prosesi ilə bağlı fikirlərini Apasport.az-la bölüşüb.
Təcrübəli idmançı turnirdə çıxış edən azərbaycanlı döyüşçülər – Tahir Abdullayev, Fərman Həsənov, Nazim Sadıxov və Rafael Fiziyev barədə danışıb.
Tofiq Musayev ölkəni beynəlxalq arenada layiqincə təmsil edən bütün idmançılarla qürur duyduğunu bildirib: “Kim ölkənin bayrağını namusla, vicdanla qaldırırsa, onunla qürur duyuram. Hər bir döyüşçüyə karyerasında uğurlar arzulayıram”.
Təmsilçimiz qarşıdakı döyüşünə hazırlığın plan üzrə davam etdiyini də vurğulayıb: “Hazırlıq yaxşı gedir, şükür Allaha. İnşallah, çəkdiyimiz əziyyət yerdə qalmaz”.
Qeyd edək ki, Tofiq Musayev UFC-də növbətinə döyüşünə avqust ayının 1-də çıxacaq. İdmançı çilili İqnasio Bahamondes ilə qarşılaşacaq.
- “Benfika”dan tarixi qələbə - QAPIÇININ QOLU HƏLLEDİCİ OLDU - VİDEO
- Avropa birinciliyi: 13 boksçumuz finalda - FOTO
- "Neftçi" Qarabağ zəfərinə həsr edilmiş səfər formasını təqdim edib - FOTO
- Bakıda Kamandan Oxatma üzrə Ölkə Birinciliyinin final mərhələsi keçirilir - FOTO
- "Formula 1"in ən varlı pilotları bəlli olub