İngiltərə Premyer Liqası təmsilçilərindən “Mançester Yunayted” yayda hücum xəttini gücləndirmək niyyətindədir.

Apasport.az xəbər verir ki, komanda “İpsviç”in forvardı Liam Delapı transfer etmək isyətir.

Bu barədə İngiltərə mətbuatı məlumat yayıb.

Mənbənin məlumatına görə, “qırmızı şeytanlar” artıq futbolçunun komandası ilə görüşmələr keçirib.

22 yaşlı ingiltərəli ilə “Yunayted”dən başqa, “Çelsi”, “Nyukasl Yunayted” və “Tottenhem” klubları yaxından maraqlanır.

Xatırladaq ki, futbolçu "Mançester Siti" yetirməsidir və onun hazırki müqaviləsində "şəhərlilər"in 10 milyon funt-sterlinqlik satınalma bəndi yer alır.

Qeyd edək ki, Delap bu mövsüm “İpsviç”in heyətində çıxış etdiyi 32 rəsmi matçda 11 qol, 2 assistlə yadda qalıb. Onun Premyer Liqa təmsilçisi ilə müqaviləsi 2029-cu ildə başa çatacaq.

• Luiz Enrike: “Bu məğlubiyyət heç ədalətli deyil”
• Leandro Andrade: “Bu hələ başlanğıcdır”
• Azərbaycanlı şahmatçı Berlində ikiqat çempion olub
• 41 yaşlı futbolçu 1 il daha Fransa klubunda 
• Bahadur Həziyev: “Təmiz penaltimiz verilmədi”