“Komandanın nəticələrindən qətiyyən razı deyilik. Həm vurulan qol sayı, həm də imic baxımından daha çox iş görə bilərik”.

Apasport.az saytının məlumatına görə, bunu “Omoniya” rəsmisi Andreas Dimitrou yerli mətbuata açıqlamasında deyib.

Nikosiya təmsilçisinin Konfrans Liqasının qrup mərhələsində “Qarabağ”a məğlubiyyətindən sonra ölkə çempionatında da “Olimpiakos”a yenilgisini dəyərləndirən klub nümayəndəsi vəziyyətdən çıxmağa çalışdıqlarını söyləyib: “Komandanın arzulanan nəticəni göstərə bilməməsinin səbəblərindən biri də zədələrdir. Buna rəğmən rəqabət bacarığımızı tədricən artıracağımıza inanırıq. Baş məşqçi də heyətdən məmnundur. O, “Qarabağ”la oyun zamanı heyətin əvvəlki dönəmlə müqayisədə daha geniş olduğunu bildirdi”.

Qeyd edək ki, “Qarabağ” Nikosiyada GSP stadionunda “Omoniya” üzərində 4:1 hesablı qələbə qazanıb.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”