Konfrans Liqasında “Qarabağ”la eyni qrupda yer alan “Kayrat”ın futbolçusu Quljiqit Alıkuliv Qırğızıstanın olimpiya yığmasına çağırılıb.

Apasport.az saytının məlumatına görə, “Qarabağ”la Bakıdakı qarşılaşmadan sonra Almatı təmsilçisinə bununla bağlı faks yollansa da, rədd cavabı verilib.

Qazaxıstan klubu 21 yaşlı yarımmüdafiəçisini Qırğızıstanın U-23 yığmasına buraxmayacağını bəyan edib. Klub rəhbərliyi ölkə çempionatındakı vacib matçlar və noyabrın 4-də “Qarabağ”la IV tur qarşılaşmasını nəzərə alaraq bu addımı atdığı barədə qarşı tərəfi məlumatlandırıb.

Qırğızıstanın U-23 yığması Asiya Kuboku-2022-yə vəsiqə uğrunda mübarizə aparacaq. Komanda BƏƏ (24 oktyabr), Oman (27 oktyabr) və Hindistanla (30 oktyabr) E qrupu çərçivəsində üz-üzə gələcək.

Qeyd edək ki, Tofiq Bəhramov adına Respublika Stadionunda keçirilən III tur matçında “Qarabağ” “Kayrat” üzərində 2:1 hesablı qələbə qazanıb.
 

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"