Yeni mövsümün hazırlıqlarını Türkiyədə davam etdirən "Sumqayıt" bu gün növbəti yoxlama oyununu keçirib.

Apasport.az saytının məlumatına görə, “gənclik şəhəri” təmsilçisi qardaş ölkədə 3-cü matçına çıxıb.

Bunadək “Keçiörəngücü”yə 1:2, “Sivasspor”a 0:2 hesabı ilə uduzan Ayxan Abbasovun yetirmələri "Qaziantep"lə üz-üzə gəlib. Qarşılaşma "Boluspor" klubunun bazasında baş tutub.

Sumqayıtlılar bu dəfə meydandan məğlub ayrılıb. Matçın taleyini ilk yarıda həll edən Türkiyə təmsilçisi malili legioneri Nuha Dikonun 30-cu və 40-cı dəqiqədəki qollarına sevinib. Təmsilçimizin gücü yalnız matçın sonlarında təsəlli qolu vurmağa çatıb. Xəzər Mahmudov fərqlənib.

Qeyd edək ki, sumqayıtlılar 2021/22 mövsümünə iyulun 21-də start verəcək. Abbasovun komandası Konfrans Liqasının II təsnifat mərhələsinin ilk matçında Serbiya “Çukariçki”sinin qonağı olacaq.

Yoxlama oyunu
14 iyul
18:00. “Sumqayıt” (Azərbaycan) – “Qaziantep” (Türkiyə) – 1:2
Xəzər Mahmudov, 84
“Boluspor”un bazası

• TFF-də kritik iclasın vaxtı bəlli oldu – Hacıosmanoğlu Berlin səfərindən qayıdır
• Ürəyindən əməliyyat olunmuşdu - Məşqlərə qayıtdı
• “Barselona” “Qalatasaray”la oyuna ehtiyat heyətlə çıxa bilər – SƏBƏB
• TFF Montella ilə yollarını ayırır – Təzminat ödənilməyəcək
• Entoni Teylor hakimləri tanımadığını etiraf etdi – MHK üzvlərindən kömək istədi