Bu gün AFFA İntizam Komitəsinin iclası keçirilib.

Apasport.az saytının PFL-in saytına istinadən məlumatına görə, komitə Premyer Liqanın XXI turunda keçirilən “Qəbələ” – “Keşlə” oyunu ilə bağlı qərarlarını açıqlayıb.

“Keşlə”nin qırmızı vərəqə alan oyunçularının cəzası fərqli olub. Tərlan Quliyev təcavüzkar davranışa görə birbaşa qırmızı vərəqə alaraq meydançadan kənarlaşdırıldığı üçün 2 oyun cəzalanıb. Onun klubu 1600 manat cərimələnib.

Matçı ehtiyat oyunçular skamyasında keçirən Kamal Bayramov ikinci sarı vərəqə alaraq kənarlaşarkən hakimlər briqadasını təhqir edib. O, bu hərəkətinə görə 3 oyun şərti olmaqla 4 matç cəzalanıb və klubunu 3200 manat cəriməyə məruz qoyub. Sınaq müddəti 3 ay təyin edilib.

• “Mançester Yunayted” Premyer Liqadan müdafiəçi seçdi
• “Mançester Yunayted” Premyer Liqada sonuncudur – Şok statistika
• Zidan Fransa millisində ilk məşqini keçirdi – Debüt Türkiyəyə qarşı olacaq
• Şeşko yenidən zədələndi – MİLLİNİN DÜŞƏRGƏSİNİ TƏRK ETDİ
• İngiltərə millisində zədə şoku - 5 futbolçu düşərgəni tərk etdi