İtaliya A seriyasında IX turun oyunları davam edir.

Apasport.az saytının məlumatına görə, turnir cədvəli baxımından turun mərkəzi matçı Romada baş tutub.

Şəhərin eyniadlı komandası digər iddialı komanda “Napoli”ni qəbul edib. Roma Olimpiya Stadionunda keçirilən və “Roma”nın baş məşqçisi Joze Mourinyonun 82-ci dəqiqədə qırmızı vərəqə alaraq texniki zonadan qovulduğu görüşdə qol səsi çıxmayıb. Neapollular 0:0 hesablı bərabərlik sayəsində bir gün əvvəl qələbə qazanan “Milan”ın liderliyi ələ keçirməsinə imkan verməyib.

Hazırda hər iki komandanın aktivində 25 xal var. Top fərqi daha üstün olan “Napoli” turnir cədvəlinə başçılıq edir. “Roma” isə 16 xalla 4-cü pillədə qərarlaşır.
 

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"