Qapıçı axtarışlarını davam etdirən “Səbail” yeni qolkiperini “Sabah”da tapıb.

Apasport.az saytının məlumatına görə, Premyer Liqanın autsayderi çərçivə ilə bağlı problemi həll etməyə yaxındır.

Elita təmsilçilərinin 2-3-cü dərəcəli qapıçılarına göz dikən bakılılar “Sabah”da eyni funksiyanı yerinə yetirən Rustam Samiqullinlə maraqlanır. Aleksandr Neçayevin gəlişindən sonra hətta ikinci qapıçı olmaq ümidini də itirən 20 yaşlı qolkiper oyun praktikası toplamaq üçün sabiq komandası “Səbail”də çıxış etməyə razıdır.

Gənclər yığmamızın üzvü üçün klublar arasında danışıqlar davam edir. “Sabah”ın milliləşdirilmiş qapıçının “Səbail”ə keçidinə razılıq verməsi gözlənilir.

Qeyd edək ki, 2020-ci ilin yayında Rusiyadan “Səbail” üçün ölkəmizə gələn Rustam Samiqullin həmin ilin yayında “Sabah”a keçib.
 

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı