“Barselona”nın yarımmüdafiəçisi Usman Dembele özünə yeni komanda tapıb.

Apasport.az saytının Britaniya İspaniya mətbuatına istinadən məlumatına görə, 24 yaşlı hücumameyilli oyunçu “Nyukasl”la anlaşmaq üzrədir.

Mövsümün sonunda transferlər üçün yüksək məbləğ ayıracaq Premyer Liqa təmsilçisinin yeni sahibləri Dembeleni azad agent kimi heyətə qatmağa çalışır. “Barselona”nın yeni 3 illik müqavilə təklifini rədd edən Fransa millisinin üzvü “sağsağanlar”la 5 illik sözləşməni müzakirə edir. Anlaşma əldə olunarsa, Dembele “Nyukasl”da illik 15 milyon avro maaş qazanacaq. Futbolçu eyni zamanda 15 milyon avroluq bonus da tələb edib.

Qeyd edək ki, “Barselona”ya 2017-ci ildə Dortmund “Borussiya”sından 105 milyon avroya keçən Usman Dembele ispanların heyətində keçirdiyi 118 oyunda 30 qol vurub.
 

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"