Azərbaycan Premyer Liqasının VIII turunda “Səbail”ə 1:3 hesabı ilə uduzan “Qarabağ”ın cari mövsüm ilk məğlubiyyətlə yanaşı, daha bir seriyası qırılıb.

Apasport.az saytının məlumatına görə, Ağdam təmsilçisi uzun fasilədən sonra ilk dəfə bir matçda qapısında 3 qol görüb.

Qurban Qurbanovun yetirmələri sonuncu dəfə ötən mövsüm Avropa Liqasının qrup mərhələsində İstanbulda qəbul etdiyi “Sivasspor”la görüşdə 3 dəfə mərkəzə dəvət olunmuşdu – 2:3. 2020-ci il noyabrın 26-na təsadüf edən həmin qarşılaşmadan 332 gün sonra “Qarabağ” ilk dəfə bir matçda 2-dən çox qola üzülüb. Ağdamlıların ötən il dekabrın 12-də “Vilyarreal”la səfər görüşü koronavirusla əlaqədar baş tutmamış, Azərbaycan təmsilçisinə texniki məğlubiyyət (0:3) verilmişdi.

“Vilyarreal”la keçirilməyən oyunu nəzərə almasaq, “Sivasspor”la dünənki “Səbail” görüşü arasında Qurban Qurbanov yetirmələrini 40 rəsmi matça çıxarıb. Komanda bunun 20-də qapısının toxunulmazlığını qoruya bilibsə, 18 oyunda bir, 2 qarşılaşmada isə iki qol buraxıb.

Qeyd edək ki, cari mövsümün ilk 16 oyununda uduzmayan “Qarabağ” axırıncı dəfə ötən mövsümün son tur matçında “Neftçi”yə yenilmişdi (0:1). Mayın 19-na təsadüf edən həmin oyundan “Səbail”lə matça qədər 5 ay (158 gün) vaxt keçib.
 

• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”
• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"