“İnter”in idman direktoru Pyero Auzilio Nikolo Barellanın gələcəyi ilə bağlı açıqlama verib.

Apasport.az xəbər verir ki, klub rəsmisi italiyalı yarımmüdafiəçinin satılmayacağını bildirib.

Auzilio Barella ilə bağlı transfer iddialarına sərt cavab verib:

“45 milyon avroya Nikolo Barellanın yalnız bir ayağını ala bilərsiniz. ‘Barellanın qiyməti nə qədərdir?’ sualına cavab vermək çox asandır. Onun qiyməti yoxdur. Çünki Barella satılmır”.

Xatırladaq ki, daha əvvəl italiyalı menecer Corc Qardinin Barellanı “Qalatasaray”a təklif etdiyi iddia olunmuşdu. Baş məşqçi Okan Burukun da futbolçunun transferinə müsbət yanaşdığı bildirilirdi.

Qeyd edək ki, 29 yaşlı Barellanın “İnter”lə müqaviləsi 2029-cu ilin yayına qədərdir.

• Karvaxal İtaliya yolunda: FABREQAS İSTƏYİR
• Konate "Real"la müqavilə imzaladı: 4 illik sözləşmə
• Qardi "Qalatasaray"a təklif etdi – Buruk ulduz futbolçuya “hə” dedi
• Montella istidən qorxmur: “Adanadakı istini görmüşəm”
• Ferdi Kadıoğlu: “Yeni hekayə yazacağımıza inanırıq”