“Malaqa” klubu İspaniya La Liqasına vəsiqə qazanıb.

Apasport.az xəbər verir ki, Andalusiya təmsilçisi Sequnda pley-offunun finalında “Almeriya”nı mübarizədən kənarlaşdırıb.

Komandalar arasında keçirilən ilk oyun qolsuz bərabərliklə (0:0) başa çatıb. Cavab görüşündə isə “Malaqa” 2:1 hesablı qələbə qazanaraq elitaya yüksələn son komanda olub.

Beləliklə, “Malaqa” 8 il aradan sonra növbəti mövsümdən etibarən yenidən La Liqada çıxış edəcək.

Qeyd edək ki, Sequndanı ilk iki pillədə başa vuran “Deportivo” və “Rasinq” birbaşa La Liqaya vəsiqə qazanıblar.

“Malaqa” isə pley-offun qalibi kimi elitaya yüksələn üçüncü komanda olub.

• Rafinya Şotlandiya ilə oyunu buraxacaq - Braziliyada ciddi itki
• Sörlotun maaş tələbi - "Fənərbaxça" transferdən çəkilir
• 2 qol, 1 məhsuldar ötürmə - Qakpo matçın ən yaxşısı seçildi
• Montella qərarı: Ya özü gedəcək, ya da...
• Kazemiro Messi ilə bir komandada - "İnter Mayami" transferi bitirdi