“Qəbələ”nin UEFA Gənclər Liqasında 2021/22 mövsümünün I mərhələsindəki ilk matçının hakimləri açıqlanıb. 

Apasport.az saytının məlumatına görə, Çempionlar yolunda mübarizə aparacaq U-19 komandanın Niderland “Alkmaar”ı ilə görüşünü Ukraynadan olan referilər idarə edəcək.

Oyunda ədaləti Viktor Kopliyevski qoruyacaq. Ona həmyerliləri Vitali Skoblya və Vladimir Korotin kömək edəcək. 4-cü hakim funksiyasını isə azərbaycanlı hakim Fərid Hacıyev icra edəcək.

Qeyd edək ki, sentyabrın 29-da Qəbələ şəhər stadionunda keçiriləcək “Qəbələ” – “Alkmaar” oyunu saat 17:00-da başlayacaq. Cavab qarşılaşması oktyabrın 19-da “AZ Təlim-Məşq Mərkəzi”ndə təşkil olunacaq. Həmin görüş isə Bakı vaxtı ilə saat 19:00-da start götürəcək.

• Rafinya bütün rəqiblərini geridə qoydu
• Premyer Liqada ayın ən yaxşı məşqçisi bəlli olub
• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı