Azərbaycan Premyer Liqasında komanda sayı artırılacaq.

Apasport.az saytının məlumatına görə, bunu AFFA-nın icraçı vitse-prezidenti Elxan Məmmədov açıqlayıb.

Assosiasiyanın bu gün keçirilən Hesabat Konfransında çıxış edən qurum rəsmisi bildirib ki, dəyişiklik 2022/23 mövsümündən tətbiq olunacaq: “Növbəti mövsüm Premyer Liqada 10 komanda iştirak edəcək”.

3-4 ildir Premyer Liqada iştirakçı sayını 8-dən 10-a qaldırılması gündəmdə olsa da, bunu reallaşdırmaq alınmır. Məmmədov fors-major durum ortaya çıxmasa, 2022-23 mövsümündə Premyer Liqaya iki yeni klubun qəbul olunacağını və yarışın 10 komandanın iştirakı ilə təşkili barədə qərar qəbul edildiyini bildirib.

Qeyd edək ki, 2016/17 mövsümündən 8 komanda ilə keçirilən Premyer Liqa ardıcıl 6 mövsümdür eyni formatla təşkil olunur.

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"