AFFA İntizam Komitəsinin bu gün keçirilən iclasında aşağı yaş qrupları üzrə keçirilmiş oyunlar zamanı qeydə alınmış neqativ hallara hüquqi qiymət verilib.

Apasport.az saytının məlumatına görə, 4 nəfər təhqiramiz ifadə işlətməsi səbəbindən sərt cəzaya məruz qalıb ki, onlardan ikisi məşqçidir.

U-15 Liqasının “Cənub Elit” – “Turan Tovuz” oyununda ikincilərin çalışdırıcısı Kamal Ələkbərov hakimi təhqir etdiyindən qarşıdakı 5 görüşdə texniki zonadakı yerini ala bilməyəcək.

Həmin liqanın “Neftçi” – “Səbail” oyununda isə qonaqların iki üzvü eyni addıma əl atıb. Əvvəlcə 76-cı dəqiqədə futbolçu Yusif Əhmədli hakimi, ondan iki dəqiqə sonra isə köməkçi məşqçisi Ramiz Hüseynov hakimlər briqadasını söydüyü üçün diskvalifikasiya olunub. Əhmədli 4, Hüseynov isə 5 oyunluq cəzaya məruz qalıb.

Bundan başqa, futzal üzrə Yüksək Liqanın “Araz” – “Xilə” FK qarşılaşmasında rəqibi təhqir edən “Xilə”nin oyunçusu Sabir Hacıəlizadəyə 3 oyunluq cəza kəsilib.
 

• Edin Ceko Bosniya millisi ilə vidalaşır – Sarayevoda nəhəng “11” forması - FOTO
• MHK sədri Ferhat Gündoğdu və 6 şübhəli məhkəməyə göndərildi
• Ferhat Gündoğdu hakimi hədələyib: "Ya adam ol, ya da çıx get"
• Türkiyə futbolunda skandal davam edir: YASİN KOL SAXLANILDI
• Messi İspaniyada daha bir klub aldı – “Eldense”nin sahibi oldu