“Milan”ın hücumçusu Zlatan İbrahimoviç İtaliya A seriyasının XXIII turunda “Yuventus”la keçirilən matçda zədələnib.

Apasport.az saytının məlumatına görə, 0:0 hesabı ilə başa çatan qarşılaşmadan sonra müayinə olunan veteran forvardın əzələsində problem aşkarlanıb.

Bu, 41 yaşlı qolçunun DÇ-2022-nin pley-off mərhələsində İsveç yığmasından kənarda qalmasına səbəb ola bilər. Ulduz futbolçu bənzər zədəni ötən ilin oktyabrında da alıb və bir neçə oyunu buraxıb. İlkin diaqnoza görə, onun bu dəfə dönüşü daha gec gözlənilir.

Qeyd edək ki, İsveç yığması martın 24-də pley-off mərhələsinin yarımfinalında Çexiya ilə qarşılaşacaq.
 

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı