Fevralın 10-da dərc olunacaq milli komandaların FİFA reytinqi ilə bağlı ehtimallar açıqlanıb.

Apasport.az saytının məlumatına görə, Azərbaycan yığmasının da cədvəldəki mövqeyi bəlli olub.

Canni de Byazinin yetirmələri 1139 xalla 121-ci pillədə qərarlaşacaq. Hesabat dövründə heç bir matça çıxmayan yığma ötən cədvəllə müqayisədə 1 pillə geriləyəcək. Buna səbəb Afrika Millətlər Kubokunun nəticələridir. 10 pillə irəliləyəcək Malavinin arxada qoyduğu ölkələrdən biri Azərbaycan olacaq.

Qardaş Türkiyə yığmasını da geriləmə gözləyir. “Ay-ulduzlular” 1472 xalla 39-cu olacaq. İki addım geri düşən Ştefan Kuntsun yetirmələri Misir, Kamerun və Kanadadan geri düşəcək, Əlcəzairi arxada qoyacaq.

Qeyd edək ki, ilk “üçlük”də dəyişiklik olmayacaq. Belçika (1828), Braziliya (1823) və Fransa (1786) ön sıralarda qalacaq.

• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu